Осыдан кейін үй иесі әйел де қонақтармен түгел танысты.
— Е, айналайын-ай, түсің де, даусың да әкеңе келеді,— деді Қарашқа.
— Сыртыңнан естуім бар еді, қарағым,— деді Елеусізге,— Шынар қазір ылдида. Біз өзіміз мал қамымен жонда отырмыз. Арамыз алпыс шақырым болса да, жол жаман болғандықтан айында, жылында бірақ қатынасамыз.
Бұл әйел — Шынардың шешесі Гүлнаш екенін Елеусіз енді ғана білді.