Qadrli do‘stlar, hech o‘ylab ko‘rganmisiz, nega ertaklarda bo‘rilar doim och bo‘ladi? Nega ular har doim boshqalardan jabr ko‘radi, pand yeydi? Buning sababi juda oddiy. Chunki ertakda bo‘rilar sodda, go‘l va nodon odamlar qiyofasini aks ettiradi. "O‘zbek xalq ertaklari" da ham ko‘pgina boshqa xalqlarning ertaklarida bo‘lganidek hayvonlar orqali insonlarning axloqi, fe'l-atvori, tabiati yaxshi ochib berilgan. Bunday ertaklar esa bolalar qalbiga va ongiga tez yetib boradi. "Och bo‘ri" ertagi ham shular jumlasidan.
